Ujumbe kutoka Bohari ya dawa (CMAM) na Mamlaka ya Dawa na Vifaa Tiba (ANARME) Msumbiji leo wametembelea MSD Makao Makuu kwa lengo la kujifunza na kubadirishana uzoefu.

 Ujumbe huo Msumbiji ulifanya ziara ya kutembelea maghala ya kuhifadhia bidhaaza afya ya MSD pamoja na kiwanda cha kuzalisha barakoa na kiwanda cha kuzalisha vidonge KPI.

Shirika la Umoja wa Mataifa linaloshugulikia Afya ya Uzazi na Idadi ya Watu UNFPA limeikabidhi Serikali ya Tanzania msaada wa dawa za uzazi wa mpango.

Akizungumza katika hafla fupi iliyofanyika Bohari ya Dawa (MSD) Mwakilishi wa UNFPA nchini Tanzania Bw. Mark Bryan Schreiner amesema msaada huo ni sehemu ya jitihada za UNFPA kuisaidia Serikali ya Tanzania kuboresha huduma za uzazi wa mpango kwa wananchi.

Mganga Mfawidhi wa Kituo cha Afya Makorora mkoani Tanga, Dkt.Angelina Meshack ameipongeza serikali kupitia MSD, baada ya kupokea vifaa vya chumba cha upasuaji ikiwemo kitanda cha upasuaji, mashine ya dawa ya usingizi na taa zinazotumika wakati wa upasuaji, amesema vifaa hivyo ni msaada mkubwa katika kituo hicho kwani awali kulikuwa na changamoto kwenye hutoaji huduma.

Kamati ya Bunge ya Afya, Maendeleo na Huduma za Jamii,ya Bunge la Zambia wamevutiwa na hatua ya Bohari ya dawa (MSD) kuanza kuzalisha baadhi ya bidhaa za afya kwa kutumia wataalam wake wa ndani.

Hayo yamebainishwa hii leo, tarehe 26/5/2022 baada ya Kamati hiyo ya Afya kutoka Zambia, kuitembelea MSD kwa lengo la kujifunza na kubadilishana uzoefu katika masuala yanayohusu mnyororo wa ugavi wa bidhaa za afya.

Mkurugenzi Mkuu wa MSD, Bw. Mavere Ali Tukai, amefanya mazungumzo na Afisa Mtendaji Mkuu wa Mamlaka ya Kudhibiti Ununuzi wa Umma (PPRA) Bw. Eliakim C. Maswi, juu ya namna bora ya kuboresha ununuzi wa bidhaa za afya, kufuatia changamoto kadhaa zinazoikabili Bohari ya Dawa kwenye eneo hilo.

Mavere amemuelezea Afisa Mtendaji Mkuu huyo mtazamo wake juu ya ununuzi kwenye nyanja mbalimbali kama vile sheria, taratibu, miongozo pamoja na mfumo wa TANEPS.