Naibu Waziri wa Afya Dkt. Godwin Mollel ameishauri Bohari ya Dawa (MSD) kutengeneza mpango wa muda mrefu wa kuzungumza na wazalishaji dawa na bidhaa nyingine za afya kutoka nchi zinazozalisha bidhaa hizo, ili kuja kuwekeza nchini Tanzania, hatua ambayo itarahisisha upatikanaji wa bidhaa za afya nchini.

Ubalozi wa Misri nchini Tanzania, leo tarehe 8/9/2022, umetoa msaada vifaa tiba kwa Serikali ya Tanzania, kwa ajili ya kuboresha huduma za afya nchini.

Vifaa hivyo vyenye thamani ya dola za Kimarekeni elfu 27 (USD 27,000), ambazo ni sawa na takribani shilingi milioni 62.9 za kitanzania, umekabidhiwa rasmi kwa serikali ya Tanzania.

Mafunzo ya siku tatu kwa wahandisi vifaa tiba na wataalam wa Maabara nchini, yamefungwa leo mkoani Morogoro.

Mafunzo hayo yaliyofanyika kwa wakati mmoja kwa mikoa mitano kwa ajili ya wataalam wa nchi nzima yalikuwa na lengo la kuwafundisha wataalamu wa usimikaji, matumizi na ukarabati wa mashine za maabara na vifaa vinavyosambazwa na MSD.

Bohari ya Dawa (MSD), kupitia Kanda yake ya Dodoma inayohudumia Mikoa ya Singida na Dodoma imeendelea na zoezi la usambazaji wa vifaa vya huduma ya dharula ya mama na mtoto (Comprehensive Emergency Obstetric and New Born Care Services – CEmONC). 

Waziri wa Afya Mhe. Ummy Mwalimu leo amezindua Bodi mpya ya Wadhamini ya Bohari ya Dawa (MSD) na kuwaelekeza wajumbe hao Bodi kuhakikisha wanawezesha kuboresha upatikanaji wa bidhaa za afya zenye ubora na bei nafuu.

 Waziri Ummy amewaeleza wajumbe hao wa Bodi ya Wadhamini kuwa watapimwa kwa kuangalia hali halisi ya upatikanaji wa bidhaa za afya kwenye vituo vya kutolea huduma za afya nchini.