Mwakilishi wa wajumbe wa Bodi ya Wadhamini wa Bohari ya Dawa (MSD), Dr. Alex Magesa, ambaye alifuatana na Mkurugenzi wa Ununuzi Hamis Mpinda wamefanya ziara katika Kanda ya MSD, Mbeya, ikiwa ni sehemu ya maadhimisho ya miaka 30 tangu kuanzishwa kwa MSD.

Katika ziara hiyo  viongozi  hao walitembelea wateja wa Hospitali ya Rufaa ya Mkoa wa Mbeya na kuzungumza nao kuweza kujua namna wanavyozipokea huduma za MSD na kujadili kwa pamoja namna ya kuboresha huduma hizo.

Wanamichezo wa Bohari ya Dawa (MSD) wanaoshiriki kwenye mashindano ya SHIMUTA 2024 mkoani Tanga wametumia siku ya leo ya mapumziko kutembelea Kituo cha afya Ngamiani kilichopo mkoani Tanga na kutoa msaada wa bidhaa za afya kwa Wodi ya mama na mtoto. 

Shule ya Famasia (MUHAS) imeitunuku Bohari ya Dawa (MSD) tuzo ya uhusiano mzuri wa kiutendaji pamoja ma ushirikiano.Tuzo hiyo imetolewa katika maadhimisho ya miaka 50 ya Shule hiyo na  kupokelewa na Mkurugenzi Mkuu wa MSD Ndg. Mavere Tukai kwa niaba ya watumishi wa MSD.

Akizungumza baada ya kukabidhiwa tuzo hiyo Ndg. Mavere amesema MSD ni mdau wa shule ya famasia na imekua ikitoa ushirikiano kutoa mafunzo ya nadharia kwa wanafunzi katika ngazi mbalimbali. 

Wachezaji wa Bohari ya Dawa (MSD) watakaoshiriki kwenye mashindano ya Shirikisho la Michezo la Mashirika ya Umma,Taasisi na Makampuni Binafsi (SHIMUTA)  mwaka 2024 jijiniTanga, leo Ijumaa tarehe 8 Novemba 2024 wameagwa na Menejimenti ya MSD na kuanza safari ya kuelekea kwenye mashindano hayo. 

Akizungumza wakati wa kuwaaga wachezaji hao Kaimu Mkurugenzi Mkuu wa MSD, Elisamehe Macha amewakumbusha watumishi hao kuwa michezo ni sehemu ya kazi hivyo wanapaswa kuhakikisha wanaenzi tunu za MSD ikiwemo uhodari na nidhamu kama wanapokuwa sehemu zao za kazi. 

Watumishi wa Bohari ya Dawa (MSD) wanaosimamia mifumo ya Usimamizi wa Ubora  (QMS) wamejengewa uwezo ili kutekeleza na kusimamia majukumu yao kwa ufanisi na weledi kazinini.

Akimzungumza wakati wa kufunga Mafunzo hayo, Kaimu Meneja wa Udhibiti Ubora wa MSD, Bi. Estella Meena alisema mafunzo hayo maalum yanatarajiwa kuwa chachu kuhakikisha matakwa ya ithibati ya Ubora wa kimataifa, yaani  ISO 9001:2015 yanatekelezwa kikamilifu, hivyo kuboresha utendaji na kuhakikisha malengo ya taasisi yanafikiwa.