Bohari ya Dawa (MSD) kupitia Kanda ya Dodoma  leo imekabidhi vifaa vya  upasuaji kwa hospitali ya Wilaya ya Itigi, iliyoko mkoani Singida, vyenye thamani ya jumla ya shilingi milioni 210.

Akipokea vifaa hivyo, Mkuu wa Wilaya ya Manyoni Dkt.Vicent Mashinji amesema nia ya serikali kununua vifaa hivyo ni kuhakikisha huduma za afya zinatolewa kwa viwango vinavyokubalika, na kupunguza vifo vinavyoweza kuzuilika hasa kwa mama na watoto wakati wa kujifungua.

Watendaji kwenye vituo vya kutolea huduma za afya waliopo kwenye Mkoa wa Manyara wamekumbushwa kuendelea na utaratibu wa kulipa madeni ya Bohari ya dawa (MSD) kwani kufanya hivyo ni kuiwezesha MSD kuwa na mtaji mzuri wa kuendelea kununua bidhaa za afya ambazo zinasambazwa kwenye vituo vya kutolea huduma za afya nchini. 

Hayo yamesemwa na Mganga Mkuu wa Mkoa wa Manyara Dkt. Andrew Method alipokuwa  anafungua kikao cha wadau na wateja wa MSD kanda ya Kilimanjaro wa mkoani wa Manyara.  

Bohari ya Dawa (MSD) imeadhimia kuboresha hali ya upatikanaji wa bidhaa za maabara nchini, ili kuimarisha uchunguzi wa vimelea vya magonjwa mbalimbali nchini.

Hayo yamebainishwa na Mwenyekiti wa Bodi ya Wadhamini ya (MSD) Rosemary Silaa, wakati alipotembelea hospitali ya Rufaa ya Mkoa - Bukoba na hospitali ya Wilaya ya Bukoba vijijini, ziara iliyolenga kupokea mrejesho wa huduma za MSD kutoka kwa wateja, ikiwa ni maadhimisho ya Miaka 30 toka MSD kuanza kazi zake rasmi.

Bohari ya Dawa (MSD) imepongezwa kwa kuimarisha mnyororo wa ugavi wa bidhaa za afya mkoani Kagera, ambao umepunguza malalamiko ya upungufu wa bidhaa za afya mkoani humo.

Pongezi hizo zimetolewa na Katibu Tawala wa Mkoa huo Steven Nashauri Ndaki, wakati akizungumza na ujumbe maalum kutoka MSD uliomtembelea ofisini kwake,  ukiongozwa na Mwenyekiti wa Bodi ya Wadhamini ya MSD Bi. Rosemary Silaa, ikiwa ni ziara maalum ya kuadhimisha miaka 30 ya MSD.

Mjumbe wa Bodi ya Wadhamini MSD Dkt. Ritah Mutagonda, ambaye amefanya ziara kwa wateja wanaohudumiwa na Kanda ya Kilimanjaro, amefurahishwa na utekelezaji wa usambazaji wa vifaa vya kisasa vya kuwezesha uzazi pingamizi kwa mama na mtoto.

Mjumbe huyo ea Bodi ameyasema hayo walipotembelea kituo cha afya Uru Kyaseni, ambapo pamoja na mambo mengine amesema kwa serikali kupitia MSD  kuwezesha usambazaji wa vifaa hivyo kunapunguza idadi ku wa ya wagonjwa kufuata huduma hizo hospitaki ya Wilaya na ya rufaa ya mkoa.