Wateja wa Bohari ya Dawa (MSD) Kanda ya Tanga wameipongeza MSD kwa maboresho makubwa inayoendelea kuyafanya ya usambazaji wa bidhaa za afya kwa wakati.

Pongezi hizo zimetolewa kwa nyakati tofauti wakati wa ziara ya Mjumbe wa Bodi ya Wadhamini ya MSD ambaye pia ni Mlezi wa MSD  kanda hiyo, Dkt. Rukia Mwifunyi anayoifanya mkoani humo, kuzungumza na wateja wanaowahudumia ili kupata maoni yao juu ya huduma za MSD na kupokea changamoto zao ili ziweze kufanyiwa kazi.

Mjumbe wa Bodi ya Wadhamini ya Bohari ya Dawa (MSD) Dkt. Rukia Mwifunyi amepongeza Kanda ya MSD Tanga kwa kuvuka malengo ya mauzo, katika robo mwaka ya kwanza ya mwaka kwa asilimia 12.

Mjumbe huyo wa Bodi, ambaye ni mlezi wa Kanda ya MSD TANGA amefuatana na  Meneja Huduma za Sheria MSD, Elisamehe Macha katika ziara ya kutembelea wateja wanaohudumiwa na Kanda ya Tanga,ziara ambayo ni sehemu ya maadhimisho ya miaka thelathini (30) ya utendaji wa MSD tangu kuundwa kwake.

Mganga Mkuu wa Halmashauri ya Manispaa ya Shinyanga Dkt. Elisha Robert Ndaki ameipongeza Bohari ya Dawa(MSD) kwa kuboresha huduma kwa wateja, sambamba na upatikanaji wa bidhaa za afya kwa wakati, hali iliyowezesha kupungua kwa malalaiko ya wateja na wananchi kwa ujumla.

Dkt. Ndaki ametoa pongezi hizo hii leo tarehe 21/11/2024 mbele ya Mjumbe wa Bodi ya Wadhamini ya MSD, Bw. Ally Seleman wakati ujumbe kutoka MSD ulipotembelea kituo cha Afya Kambarage kilichopo Manispaa ya Shinyanga.

Bohari ya Dawa (MSD) imejinyakulia tuzo tatu za Mwajiri bora mwaka 2024 kupitia tuzo zinazotolewa na Chama cha Waajiri Tanzania (ATE).

Katika tuzo hizo zilizotolewa na Naibu Waziri Mkuu Mhe. Dotto Biteko, MSD imeibuka na ushindi wa tuzo tatu ambazo ni pamoja na Taasisi bora kiutendaji (Club of Ten best performers), mshindi wa kwanza kwa taasisi inayotoa fursa za ajira (First runner up job creation na mshindi wa pili Mwajiri bora sekta ya umma (Second runner up Public Sector).

Meneja MSD Kanda ya Dodoma Bi. Mwanashehe Jumaa ameuomba uongozi wa Timu ya Usiamizi wa afya Mkoa wa Dodoma (RHMT) kuratibu na kusimamia uwasilishwaji wa maombi ya mahitaji ya  vituo vya kutolea huduma za afya kwa wakati na ulipaji wa madeni, ili MSD iendelee kutoa huduma kwa ufanisi na kwa wakati.