Mawaziri wa Afya wa SADC Waitembelea MSD

(Mawaziri wa Afya kutoka nchi za SADC wakimakinikia mada, mara walipotembelea MSD)

Mawaziri kutoka Jumuiya ya Maendeleo Kusini mwa Africa

(SADC) wanaoshughulikia masuala ya Afya na Ukimwi

wametembelea Ofisi za Bohari ya Dawa (MSD) zilizoko Keko,

jijini Dar es Salaam nakushuhudia jinsi mnyororo

mzima wa ugavi unavyofanya kazi.

Mawaziri hao wameonyesha kuridhishwa na kufurahishwa

na jinsi MSD ilivyojipanga katika kutekeleza majukumu

yake kwa ufanisi,mathalani ununuzi, uhifadhi, na usambazaji

wa dawa, vifaa tiba na vitendanishi vya maabara huku

wakibainishakuwa ni mfano wa kuigwa kwa nchi wanachama.

(Mawaziri wa Afya kutoka nchi za SADC wakimakinikia mada,

mara walipotembelea Bohari ya Dawa (MSD))

Mawaziri hao wanaoshughulika na afya wameambatana na mwenyeji

wao Waziri wa afya wa Tanzania, Mhe. Ummy Mwalimu (Mb),

ambaye amewaeleza waandishi wa habari utayari wa MSD

katika katika kufanya manunuzi ya pamoja kwa nchi

za SADC na mchakato mzima uliopelekea MSD kupewa

zabuni hiyo.

Aidha, amebainisha kuwa lengo la ziara hiyo ya Mawaziri

ni kuangalia uwezo, vifaa na utaalamu wa MSD katika

kutekeleza majukumu hayo kwa nchi wanachama.

(Mkurugenzi Mkuu wa MSD Bw. Laurean Bwanakunu, akitoa mada)

Kwa upande wake Mkurugenzi Mkuu wa MSD Bw. Laurean

Bwanakunu, ametoa tathimini ya ulipofikia mchakato mzima

wa manunuzi ya pamoja, kwa nchi wanachama hadi sasa (SPPS),

ambapo amebainisha kwamba wamekwisha pata wazabuni

na sasa mikataba iko kwa Mwanasheria Mkuu

ikifanyiwa upembuzi, (Vetting).

Aidha amewahakikishia mawaziri hao kutoka SADC kuwa

mchakato wa manunuzi ya pamoja utapunguza gharama kwa kiasi

kikubwa kwa nchi wanachama na kukuza uchumi wa viwanda kupitia

uwekezaji wa viwanda vya dawa.

Mawaziri hao kutoka SADC, walipata fursa ya kutembelea

magahala ya kuhifadhia dawa ya MSD na kujionea jinsi kazi

mbalimbali za utunzaji na ugavi, zinavyofanyika kwa weledi

na ufanisi mkubwa.

(Meneja Mradi Msonge wa MSD Bw. Bill Singano, akitoa ufafanuzi mbele ya mawaziri wa Afya wa SADC)

DKT. Shein Amwaga Pongezi kwa MSD.

DKT_SHEIN.jpg3.jpg

Rais wa Zanzibar na Mwenyekiti wa Baraza la Mapinduzi

Mhe. Dkt. Ali Mohamed Shein ameipongeza MSD kwa kuteuliwa

kuwa mnunuzi mkuu wa dawa kwa ajili ya nchi za SADC.

Dkt. Shein alimweleza hayo Mkurugenzi Mkuu wa MSD

Laurean Bwanakunu alipotembelea banda la MSD katika maonesho

ya viwanda yanayoendelea jijini Dar es Salaam.

Kingozi huyo pia ameishauri MSD kuwatembelea wazalishaji wakubwa

wa dawa, vifaa tiba na vitendanishi vya maabara wa mataifa

ili wapate taarifa sahihi na kuwashirikisha kuhusu MSD kuteuliwa

kusimamia manunuzi ya pamoja ya dawa kwa nchi za SADC.

Kwa upande wake, Mkurugenzi Mkuu wa MSD Laurean Bwanakunu

amesema tayari wamejipanga vizuri kwa ajili ya manunuzi ya pamoja,

ambapo tayari wameanza mchakato wa kupata wazabuni na kuanzisha

mfumo wa kielektroniki utakaotumiwa na nchi wanachama kuleta mahitaji.

Bohari ya Dawa MSD, ni moja ya taasisi zilizoshiriki maonyesho ya biashara

na viwanda ya SADC yaliyofanyika wakati wa wiki ya mkutano wa SADC 2019,

katika viwanja vya kimataifa vya Julius Nyerere jijini Dar es salaam.

Waziri Ummy Mwalimu, Ahimiza Ujenzi wa Viwanda vya Dawa Nchini

,

Waziri wa Afya, Maendeleo ya Jamii, Jinsia Wazee na Watoto Mhe. Ummy Mwalimu

amesema serikali inawajengea mazingira mazuri wazalishaji dawa,vifaa tiba na

vitendanishi vya maabara wanaowekeza nchini kwani wanasaidia kupunguza gharama

za kuagiza dawa nje ya nchi.

Waziri Huyo ameyasema hayo wakati akifungua mkutano wa Tatu wa mwaka

wa wazalishaji na wasambazaji Dawa, Vifaa Tiba na Vitendanishi vya Maabara

kutoka nchi mbalimbali duniani.

Mkutano huo umeandaliwa na Bohari ya Dawa kwa kushirikiana na UNDP

ambapo mwakilishi wa UNDP Dr. Rosemary Kumwenda amesema mkutano

huu ni muhimu kwani MSD kwa sasa inafanya kazi kimataifa na UNDP kama

wakala wa maendeleo wa Umoja wa Mataifa inawajibu wa kuunga mkono

jitiada za MSD kuhakikisha shughuli zinazofanywa na MSD zinakuwa na

manufaa kwa wananchi.

Naye Mkurugenzi Mkuu wa MSD Laurean Bwanakunu amesema wameandaa

mkutano huo ili kuweka mazingira ya uwazi na kuboresha utendaji wa

MSD na kuwavutia wazalishaji wa Dawa, Vifaa Tiba na Vitendanishi vya Maabara

kuja kuwekeza.

MSD Yawasilisha Msaada wa Dharura kwa Majeruhi wa Ajali ya Moto Mkoani Morogoro

,

Timu ya MSD ikiongozwa na Mkurugenzi Mkuu wa MSD

Bw. Laurean Bwanakunu wakiwa sambamba na Mganga Mkuu wa Serikali

Prof. Mohamed Kambi, wamewatembelea majeruhi wa ajali ya moto,

iliyosababishwa na mlipuko wa lori la mafuta waliolazwa katika hospitali

ya Rufaa ya Mkoa wa Morogoro.

MOROGORO_CSR.jpg4.jpg

Pamoja na kuwajulia hali majeruhi hao, ujumbe huo pia ulilenga

kufuatilia na kufahamu misaada ya haraka ya kitabibu inayohitajika

kwa sasa hospitalini hapo ili kusaidia majeruhi.

MOROGORO_CSR.jpg3.jpg

Aidha, Bohari ya Dawa imechukua jitahada za makusudi kwa kusafirisha

shehena hiyo kutoka kwenye magahala yake jijini Dar es salaam,

ili kuokoa maisha ya watanzania wenzetu.

Waziri Bashungwa Asema Serikali Imeweka Mazingira Rafiki kwa Uanzishwaji wa Viwanda Nchini

,

Waziri wa Viwanda na Biashara nchini Mhe. Innocent Bashungwa amefungua mkutano

wa kwanza wa kimataifa wa wawekezaji wa viwanda vya dawa na vifaa tiba,ulioandaliwa

na Bohari ya Dawa (MSD).

Waziri huyo ameeleza kuwa kufuatia sera ya Tanzania ya viwanda, serikali

imewekamazingira rafiki ya uwekezaji wa viwanda vya kuzalisha dawa nchini ili

kuwawezesha wawekezaji wenye nia.

Amesema hatua hiyo itapunguza pia utegemezi mkubwa wa dawa na vifaa tiba

kutokanje ya nchi, kwani kwa sasa taifa linapoteza fedha nyingi za kigeni katika

kununulia bidhaa hizo za afya.

Naye Mkurugenzi Mkuu wa MSD Laurean Bwanakunu amesema wameandaa mkutano

huo ili kuweka mazingira ya uwazi kupata wawekezaji,ambapo wamewaeleza matokeo

ya utafiti uliofanywa na mshauri mwelekezi wa mradi wa uanzishaji viwanda vya dawa

kwa ubia wa sekta ya umma na sekta binafsi.

More Articles...