,

 
                         Makamu wa Rais wa Tanzania, Mhe. Samia Suluhu Hassan amesema kuwa,
 
                        Bohari ya Dawa (MSD) imejipanga vizuri kuhakikishajukumu la manunuzi ya
 
                        dawa ya pamoja kwa nchi za Jumuiya ya Maendeleo ya nchi zilizoko Kusini 

                                            mwa Afrika (SADC)linatekelezwa kwa ufanisi.

                              Makamu wa Rais ameyasema hayo leo Alhamisi Novemba 7, 2019

                            wakati akifungua Mkutano wa mawaziri wanaoshughulikia sekta ya

                    afya na UKIMWI kutokanchi 16 wanachama uliomalizika leo, jijini Dar es Salaam.

                         Amesisitiza kuwa MSD kwa sasa ipo katika hatua za mwisho za kukamilisha

                      mchakato huo, kwa kusaini mikataba na wazalishaji baada ya kutangaza zabuni.

                             “Ninapenda kuwadhibitishia kwamba MSD imejipanga vizuri kuhakikisha

                            jukumu hili la uratibu wa manunuzi ya pamoja linatekelezwa kwa ufanisi

                        na kwamba hivi sasa taasisi hiyo inaendelea na kusaini mikataba na wazalishaji

                                         wa dawa, vifaa tiba na vitendanishi,” alisema Samia

                            Ameongeza kuwa Serikali imejenga kiwanda cha kutengeneza dawa

                        ya viuadudu chenye uwezo wa kuzalisha lita milioni 6 kwa mwaka na kwamba

                  dawa zinazozalishwa zinatumika kudhibiti wadudu dhurifu wakiwemo viluwiluwi vya

                                                        mbu wanaosababisha malaria.

                   “Nitumie fursa hii kuhamasisha nchi za SADC zinunue dawa ya viuadudu inayozalishwa

                    na kiwanda hiki kilichoko nchini kupitia utaratibu wa manunuzi ya pamoja wa nchi za

                                         SADC unaoratibiwa na Bohari ya Dawa MSD,” amesema.

                         Novemba mwaka 2017 Tanzania kupitia Bohari ya Dawa (MSD) ilishinda zabuni ya

                            usambazaji wa dawa kwa nchi za SADC jukumu ambalo ilipewa na mkutano wa

                                         mawaziri wa afya na UKIMWI kutoka nchi wanachama.

                   Mchakato wa kusaini mikataba unaenda sambamba na kutoa mafunzo kwa watendaji

                      kutoka nchi wanachama juu ya namna ya kutumia mfumo wa kielektroniki wa

                    uagizaji wa dawa, ambao MSD unautumia katika uagizaji, ununuzi na usambazaji.

                                  Aidha mawaziri hao watapata fursa kuitembelea MSD siku ya  kesho

                                           Ijumaa Tarehe 7, 11, 2019 ili kujionea utendaji wake.

                          Rais wa Zanzibar na Mwenyekiti wa Baraza la Mapinduzi

                    Mhe. Dkt. Ali Mohamed Shein ameipongeza MSD kwa kuteuliwa

                           kuwa mnunuzi mkuu wa dawa kwa ajili ya nchi za SADC.

                                Dkt. Shein alimweleza hayo Mkurugenzi Mkuu wa MSD

                        Laurean Bwanakunu alipotembelea banda la MSD katika maonesho

                                  ya viwanda yanayoendelea jijini Dar es Salaam.

                  Kingozi huyo pia ameishauri MSD kuwatembelea wazalishaji wakubwa

                       wa dawa, vifaa tiba na vitendanishi vya maabara wa mataifa

                     ili wapate taarifa sahihi na kuwashirikisha kuhusu MSD kuteuliwa

                        kusimamia manunuzi ya pamoja ya dawa kwa nchi za SADC.

                     Kwa upande wake, Mkurugenzi Mkuu wa MSD Laurean Bwanakunu

                   amesema tayari wamejipanga vizuri kwa ajili ya manunuzi ya pamoja,

                   ambapo tayari wameanza mchakato wa kupata wazabuni na kuanzisha

                mfumo wa kielektroniki utakaotumiwa na nchi wanachama kuleta mahitaji.

               Bohari ya Dawa MSD, ni moja ya taasisi zilizoshiriki maonyesho ya biashara

              na viwanda ya SADC yaliyofanyika wakati wa wiki ya mkutano wa SADC 2019,

                   katika viwanja vya kimataifa vya Julius Nyerere jijini Dar es salaam.

                                 (Mawaziri wa Afya kutoka nchi za SADC wakimakinikia mada, mara walipotembelea MSD)

               Mawaziri kutoka Jumuiya ya Maendeleo Kusini mwa Africa

                (SADC) wanaoshughulikia masuala ya Afya na Ukimwi

           wametembelea Ofisi za Bohari ya Dawa (MSD) zilizoko Keko,

                  jijini Dar es Salaam nakushuhudia jinsi mnyororo

                            mzima wa ugavi unavyofanya kazi.

                 Mawaziri hao wameonyesha kuridhishwa na kufurahishwa

                   na jinsi MSD ilivyojipanga katika kutekeleza majukumu

               yake kwa ufanisi,mathalani ununuzi, uhifadhi, na usambazaji

                     wa dawa, vifaa tiba na vitendanishi vya maabara huku

              wakibainishakuwa ni mfano wa kuigwa kwa nchi wanachama.

                     (Mawaziri wa Afya kutoka nchi za SADC wakimakinikia mada,

                                mara walipotembelea Bohari ya Dawa (MSD))

        Mawaziri hao wanaoshughulika na afya wameambatana na mwenyeji

             wao Waziri wa afya wa Tanzania, Mhe. Ummy Mwalimu (Mb),

               ambaye amewaeleza waandishi wa habari utayari wa MSD

                 katika katika kufanya manunuzi ya pamoja kwa nchi

              za SADC na mchakato mzima uliopelekea MSD kupewa

                                              zabuni hiyo.

                 Aidha, amebainisha kuwa lengo la ziara hiyo ya Mawaziri

                 ni kuangalia uwezo, vifaa na utaalamu wa MSD katika

                     kutekeleza majukumu hayo kwa nchi wanachama.

                           (Mkurugenzi Mkuu wa MSD Bw. Laurean Bwanakunu, akitoa mada)

               Kwa upande wake Mkurugenzi Mkuu wa MSD Bw. Laurean             

             Bwanakunu, ametoa tathimini ya ulipofikia mchakato mzima

          wa manunuzi ya pamoja, kwa nchi wanachama hadi sasa (SPPS),

             ambapo amebainisha kwamba wamekwisha pata wazabuni

                     na sasa mikataba iko kwa Mwanasheria Mkuu

                                 ikifanyiwa upembuzi, (Vetting).

               Aidha amewahakikishia mawaziri hao kutoka SADC kuwa

        mchakato wa manunuzi ya pamoja utapunguza gharama kwa kiasi

      kikubwa kwa nchi wanachama na kukuza uchumi wa viwanda kupitia

                                     uwekezaji wa viwanda vya dawa.

               Mawaziri hao kutoka SADC, walipata fursa ya kutembelea

              magahala ya kuhifadhia dawa ya MSD na kujionea jinsi kazi

               mbalimbali za utunzaji na ugavi, zinavyofanyika kwa weledi

                                         na ufanisi mkubwa.

                                ,

                                         Timu ya MSD ikiongozwa na Mkurugenzi Mkuu wa MSD

                                Bw. Laurean Bwanakunu wakiwa sambamba na Mganga Mkuu wa Serikali

                                   Prof. Mohamed Kambi, wamewatembelea majeruhi wa ajali ya moto,

                                iliyosababishwa na mlipuko wa lori la mafuta waliolazwa katika hospitali

                                                             ya Rufaa ya Mkoa wa Morogoro.

                                 Pamoja na kuwajulia hali majeruhi hao, ujumbe huo pia ulilenga

                               kufuatilia na kufahamu misaada ya haraka ya kitabibu inayohitajika

                                            kwa sasa hospitalini hapo ili kusaidia majeruhi.

                          Aidha, Bohari ya Dawa imechukua jitahada za makusudi kwa kusafirisha

                                shehena hiyo kutoka kwenye magahala yake jijini Dar es salaam,

                                                  ili kuokoa maisha ya watanzania wenzetu.