Naibu Waziri wa Afya Mhe. Dkt. Godwin Mollel Akiongea Watumishi wa MSD, Mara baada ya Kutembelea Banda lao, Wakati Maonesho ya Kimataifa ya Wadau wa Bidhaa za Afya ya Afrika Mashariki, Yanayofanyika Jijini Dar es Salaam.

DAR ES SALAAM: 

Naibu Waziri wa Afya Dkt. Godwin Mollel ameishauri Bohari ya Dawa (MSD)

kutengeneza mpango wa muda mrefu wa kuzungumza na wazalishaji dawa

na bidhaa nyingine za afya kutoka nchi zinazozalisha bidhaa hizo, ili

kuja kuwekeza nchini Tanzania, hatua ambayo itarahisisha upatikanaji

wa bidhaa za afya nchini.

Naibu waziri ameyasema hayo wakati wa uzinduzi wa maonesho ya

Kimataifa ya wadau wa bidhaa za afya ya Afrika Mashariki

yaliyoanza leo jijini Dar es Salaam.

Ameongeza kuwa MSD pia iangalie namna ya kuingia mikataba na nchi

zinazozalisha bidhaa za afya kurahisisha kununua moja kwa moja kutoka

kwao, ili kupunguza gharama na kuwezesha kupata bidhaa za

kutosheleza mahitaji.

Kiongozi huyo pia amewahimiza wazalishaji hao wa nje kuja kuwekeza nchini

Tanzania kwa kuingia ubia na serikali.

Kwa upande wake Mkuu wa kitengo cha Mawasiliano na Uhusiano MSD Bi. Etty Kusiluka,

 amemshukuru Dkt. Mollel kwa ushauri, na kuahidi kuufikisha kwenye Menejimenti ya

MSD ili uweze kufanyiwa kazi.

Aidha, ameendelea kuwakaribisha wananchi na wadau mbalimbali kutembelea banda la

MSD lilipo kwenye maonyesho hayo, ili waweze kupata taarifa mbalimbali

zinazohusiana na MSD, sambamba na kufahamu namna taasisi hiyo

inavyotekeleza majukumu yake.

Maonyesho hayo ya Kimataifa ya bidhaa za afya ya Afrika Mashariki yanafanyika

kwa siku tatu katika ukumbi wa Diamond Jubilee, ulioko jijini Dar es Salaam,

kwa kuwakutanisha Wadau kutoka nchi mbalimbali.

             Vifaa vya CEmONC Vikiwa Vimesambazwa na MSD Kwenye Moja ya Kituo

Cha Afya Mkoani Singida.

DODOMA:

Kaimu Meneja wa MSD Kanda ya Dar es Salaam Bw. Nuru Mwagoka,Akipokea Cheti Kutoka Kwa Rais wa Serikali ya Mapinduzi ya Zanzibar     Mhe. Dkt. Husein Ally Mwinyi Kufuatia Mchango MSD Kwenye Mbio za Hisani Zilizolenga Kuboresha Huduma za Uzazi

ZANZIBAR:

visiwani Zanzibar.

 

Akizungumza wakati wa kuhitimisha mbio hizo zilizoanzia

viwanja wa Maisara- Mnazi Mmoja majira ya asubuhi,

Mgeni Rasmi wa Shughuli hiyo, Rais wa Serikali ya

Mapinduzi ya Zanzibar Mhe. Dkt. Husein Ally Mwinyi,

amewapongeza washiriki wote ikiwemo MSD kwa kushiriki

tukio hilo la kihistoria kuchangia maboresho ya huduma za

uzazi salama visiwani humo.

 

 

“Nawapongeza wananchi, makampuni na mashirika wote

kwa ujumla kwa kushiriki kwenu kwenye mbio hizi za kusaidia

huduma ya mama na mtoto". Alisema Dkt. Mwinyi. 

 

Rais Mwinyi ametoa wito kwa taasisi, makampuni na wadau

mbalimbali kuiga mfano wa AMREF, ili kusaidia huduma

mbalimbali visiwani humo.

 

Ameongeza kwamba Serikali yake itaendelea kushirikiana

kwa ukaribu na wadau wote wenye nia ya kuchangia

maendeleo katika Jamhuri ya Muungano wa Tanzania.

 

Akizungumza kwa niaba ya Mkurugenzi Mkuu wa MSD, Kaimu

Meneja wa MSD Kanda ya Dar es Salaam, Bw. Nuru Mwangoka,

amesema MSD ni mdau wa karibu kwa serikali ya mapinduzi

ya Zanzibar hasa kupitia sekta ya afya, hivyo walivyopokea

wito wa kushiriki na kuchangia huduma za afya hawakusita

kufanya hivyo.

 

"Sisi MSD, ni washirika muhimu wa sekta ya afya Zanzibar

kwani tumekua tukifanya kazi zetu kwa ushirikiano na Serikali

ya Mapinduzi ya Zanzibar, hivyo tulivyopokea wito wa

kushangia huduma hizi za uzazi hatukusita kushiriki”

alieleza Bw. Mwangoka

 

Aliongeza kuwa MSD kwenye mbio na matembezi hayo ya hisani,
imeweza kuchangia vifaa mbalimbali kwa ajili ya kuwezesha

huduma za uzazi salama, visiwani humo.

 

Aidha, amesema msaada huo umekwisha wasilishwa kwa uongozi

wa AMREF, ukisubiri kupelekwa kwenye vituo vya kutolea

huduma za afya.

 

Katika mbio na matembezi hayo, washiriki wote wameweza

kutembea na kukimbia mbio hizo na kumaliza ikiwemo Kilometa 5,

na Kilometa 10, ambapo zote zimemalizikia katika viunga

vya uwanja wa Amaani.

Waziri wa Afya Mhe. Ummy Mwalimu Akiongea Mbele ya Wananchi

wa Mji wa Mkambako (Hawapo pichani) Juu ya Hatua Ujenzi wa

Kiwanda cha Dawa na Vifaa Tiba, Wakati wa Ziara ya

Raisi wa Jamhuri ya Muungano wa Tanzania, Mhe. Samia Suluhu Hassan

Mkoani Njombe

NJOMBE: 

Serikali imeahidi kuendelea na ujenzi wa Kiwanda cha uzalishaji wa dawa na vifaa tiba

kilichopo chini ya Bohari ya Dawa (MSD), huko Idofi Makambako,

Mkoani Njombe, ilikuimarisha upatikanaji wa bidhaa za afya

nchini sambamba na kuokoa matumizi ya fedha za kigeni.

Kauli hiyo imetolewa na Waziri wa Afya Mhe. Ummy Mwalimu leo, alipokua akitoa

salamu zake kwa wananchi wa Makambako mara baada ya kupewa nafasi ya

kuzungumza kwenye ziara ya Rais wa Jamhuri ya Muungano wa Tanzania,

Mhe. Samia Suluhu Hassan akiwa Makambako - Njombe.

"Mheshimiwa Rais, hapa Makambako tunajenga kiwanda cha Dawa na Vifaa tiba

ambapo ujenzi wake hapo nyuma ulisimama kwakuwa tunarekebisha mambo

kadhaa, lakini sasa tunaendelea na ujenzi" amesema Waziri Ummy Mwalimu.

"Nimesimama hapa kuwahakikishia wana Makambako, serikali itaendeleza

na kukamilisha ujenzi wa kiwanda hiki, na tutaleta shilingi Billioni 17

kukamilisha ujenzi" Alisisitiza Mhe. Ummy Mwalimu.

Waziri Ummy amesema hadi sasa serikali imekwisha toa kiasi cha shilingi

Bilioni 18 ikiwa ni kwa ajili ya ujenzi pamoja na kununua baadhi ya mashine

na hadi kukamilika kwake, kiwanda hicho kitagharimu kiasi cha shilingi Bilioni 35.

Aidha Waziri Ummy ameongeza kwamba, kiwanda hicho kitazalisha dawa

za vidonge, (tablets), dawa za maji (syrup), pamoja na mipira ya mikono (gloves),

huku kikitarajia kutoa ajira kwa watu zaidi ya 200.