Mkurugenzi Mkuu wa NHIF Bw. Bernard Konga, ameipongeza MSD kwa kuboresha mfumo wake wa manunuzi ya vifaa vya maabara na vitendanishi vyake, kwa kwenda kununua vifaa hivyo moja kwa moja kutoka kwa watengenezaji.

Ameongeza kuwa hatua hiyo itarahisha upatikanaji wa vifaa hivyo nchini na kupunguza gharama za huduma za vipimo vya kimaabara kwa wananchi.

Bw. Konga ametoa pongezi hizo alipotembelea Makao Makuu ya MSD kwa lengo la kuboresha uhusiano na ushirikiano wa kikazi baina ya MSD na NHIF, mathalani katika kuboresha huduma za kimaabara kwenye vituo vya kutolea huduma za afya chini.

Kwa upande wake Afisa Udhibiti Ubora Mwandamizi wa MSD Bw. Joseph Kitukulu, amesema gharama za vifaa hivyo na vitendanishi zimepungua kwa zaidi ya asilimi 50, ambapo vituo vya kutolea huduma za afya vya ngazi zote nchini wanaweza kuwa navyo.

Aliongeza kuwa vifaa hivyo ni pamoja na mashine ya kupima wingi wa damu, sukari na zile za kupima kiwango cha kemikali mwilini.

Aidha kwa upande wa mashine za kuchuja damu kwa wagonjwa wenye matatizo ya figo, mashine zilizonunuliwa zitawezesha kushuka kwa gharama za uchujaji wa damu kwa wagonjwa hao kwa kiasi kikubwa.

Tayari vituo vya afya nchini vimeanza kununua mashine hizo kutoka MSD, huku wataalamu wa maabara wa MSD wakiendelea kukutana na wadau mbalimbali kwa ajili ya kuzitambulisha mashine hizo na kujiridhisha kuhusu utendaji kazi wake.

                                                   Waziri wa Afya Dkt. Dorothy Gwajima

Waziri wa Afya, Maendeleo ya Jamii, Jinsia, Wazee na Watoto Dkt. Dorothy Gwajima leo tarehe 3 mwezi wa 7,2021, amekutana na kufanya mazungumzo na Menejimentiya Bohari ya Dawa (MSD) Kwenye ukumbi wa Bohari ya Dawa ulioko Keko jiji Dar es salaam, lengo likiwa ni kuangalia namna gani ya kuboresha huduma na upatikanaji wa bidhaa za afya nchini.

Dkt. Gwajima licha ya kukutana na Menejimenti ya MSD katika kikao cha ndani, alitembelea kiwanda cha kuzalisha Dawa cha Keko (Keko Pharmaceutical) kilichopo jijini Dar es Salaam, kinachosimamiwa na Bohari ya Dawa (MSD).

Katika Ziara hiyo Dkt.Gwajima alijionea uzalishaji wa dawa ambapo hivi Sasa kinazalisha aina kumi za dawa, zikiwemo za maumivu aina mbili na nyingine 8 zikiwa ni dawa za kuua vimelea vya magonjwa ya kuambukiza (antibacteria/antibiotics).

                         Dkt. Dorothy Gwajima akiwa kwenye kikao cha ndani na Menejimenti ya MSD

Hatahivyo, licha ya kazi kubwa iliyofanyika kiwandani hapo, Dkt. Gwajima alitoa maelekezo mbalimbali kwa uongozi wa kiwanda hicho, kwaajili ya kuboresha utendaji, uzalishaji, na taarifa muhimu zinazohusu kiwanda hicho.

Katika hatua nyinine,Dkt. Gwajima alitembelea Maghala ya kuhifadhia dawa, yaliyoko Makao Makuu ya Bohari ya Dawa (MSD), Keko jijini Dar es Salaam, na kuijonea uhifadhi wa dawa, sambamba na changamoto mbalimbali zinazoikumba Bohari hiyo upande wa uhifadhi na kuagiza mabadiliko kwenye maeneo mbalimbali ili kuboresha huduma za usambazaji wa bidhaa za dawa nchini

Baadhi ya madaktari na Wataalam wa baabara wa Hospitali ya Taifa Muhimbili,Mloganzila

wametambulishwa mashine na vitendanishi vya maabara vipya vinavyonunuliwa na Bohari ya

Dawa(MSD) kwa matumizi ya vituo vya kutolea huduma za afya vya serikali nchini.

Mtaalam wa maabara wa MSD Joseph Kitukulu amewaeleza kuwa,mbali na vifaa

hivyo kutumia teknolojia ya kisasa, kupunguza muda na kuwa na gharama nafuu

vinauwezo wa kuchukua sampuli nyingi zaidi.

Kwa upande wake,Msimamizi wa Utekeleza Mpango Mkakati wa MSD, Bi. Neema

Mwale amesema kuwa hatua ya MSD kununua vifaa hivyo kutoka kwa wazalishaji

itachangia juhudi za serikali kuboresha huduma za afya za wananchi na kuipunguzia

serikali gharama kwa takribani asilimia 40 hadi 50.

                                                   Mfamasia Mkuu wa Serikali, Bw. Daudi Msasi

Mfamasia Mkuu wa Serikali Bw. Daudi Msasi, amewataka Waganga Wakuu wa Mikoa, Halmashauri, Waganga Wafawidhi na Wafamasia kote nchini Kuzingatia na kusimamia matumizi ya miongozo na nyenzo za usimamizi wa bidhaa za afya, ili kupunguza changamoto ya upatikanaji wa dawa vituoni.

 Bw. Msasi amesisitiza kwamba kutozingatia matumizi sahihi ya miongozo na nyenzo muhimu katika utunzaji na utoaji wa dawa, kumekuwa kukisababisha changamoto mbalimbali katika upatikanaji wa dawa kwenye vituo vya kutolea huduma za afya nchini.

 Bw. Msasi ametoa rai hiyo alipozungumza na waandishi wa habari kufafanua kuhusu matumizi ya cheti cha dawa kwa ngazi zote za kutolea huduma za afya nchini.

 Aidha, Bw. Msasi amevielekeza vituo vya kutolea huduma za afya nchini kuhakikisha vinanunua vitabu vya “Prescription” ya dawa vilivyoboreshwa kutoka MSD, na pale vinapokosena kwenye Bohari basi wapakue kutoka tovuti ya Wizara ya afya.

                             Bw. Daudi Msasi akizungumza mbele ya waandishi wa habari

Ameongeza kuwa vitabu hivyo vya “Prescription” iliyoboreshwa vitaanza rasmi kutumika kuanzia julai 10, mwaka 2021, lengo likiwa ni kuwezesha kutunza kumbukumbu sahihi za matumizi ya dawa na kurahisisha ufuatiliaje wake.

Tayari Bohari ya Dawa (MSD), imekwisha chapisha jumla ya Vitabu vya “ Prescription” takribani elfu sitini na tano (65,000), vikingoja kusambazwa kwenye vituo vya kutolea huduma za afya nchini.