MSD Yapongezwa Ujenzi Viwanda vya Dawa na Vifaa Tiba

                         Mwenyekiti wa Kamati ya Kudumu ya Bunge ya Bajeti Mhe.  Daniel Sillo,

                           ameipongeza Bohari ya Dawa (MSD) kwa jitihada kubwa inazozizifanya

                         kuboreshaji upatikanaji wa bidhaa za afya nchini kwa kuanzisha viwanda

                         vya kuzalisha dawa na kuboresha viwanda vya dawa vilivyokuwa na hali

                                                                         mbaya.

                        Sillo ametoa pongezi hizo leo, Kamati hiyo ilipokuwa ziarani MSD, ambapo

                       pamoja na mambo mengine wajumbe wa Kamati hiyo  walitembelea kiwanda

                         cha dawa cha Keko, kiwanda cha MSD cha kuzalisha Barakoa pamoja na

                                  Maghala ya kuhifadhia bidhaa za afya dawa yaliyopo keko.

 Msimamizi wa Kiwanda cha Kuzalisha Barakoa cha MSD, Bw. Twahil Magoolo akitoa maelezo juu ya uzalishaji Barakoa mbele ya Kamati ya Kudumu ya Bunge ya Bajeti, Wakati Kamati hiyo Ilipotembelea kiwandani hapo

                         Amempongeza Mkurugenzi Mkuu wa MSD Meja Jenerali Gabriel Mhidze

                        na watendaji wote wa MSD  kwa maono yao ya kuanzisha viwanda vya

                        kuzalisha dawa na vifaa tiba kwani ununuzi bidhaa hizo kutoka nje ya nchi

                      na kwingineko  umekuwa ukiigharimu serikali fedha nyingi ambazo zingeweza

                                                   kutumika kuboresha huduma nyingine.

                     “Kamati yetu imesikia changamoto kutoka kwenu zinazowakwamisha kusonga

                      mbele, tunazichukua na kuzifikisha serikalini ili kuhakikisha MSD inaimarika

                                      ipasavyo ili kuwezesha upatikanaji wa dawa nchini".

Wajumbe wa Kamati ya Kudumu ya Bunge ya Bajeti, Wakipokea Maelezo kuhusu dawa, kutoka kwa Msimamizi ya Kiwanda cha Dawa cha Keko, Bi. Bettia Kaema.

                Naye Mkurugenzi Mkuu  wa MSD Meja Jenerali Gabriel Mhidze katika taarifa

                yake ya utendaji aliyoiwasilisha kwa Kamati hiyo ameeleza kuwa  pamoja

               na changamoto mbalimbali zinazoikabili MSD bado inaendelea kutoa huduma

                bora na za kiwango cha juu kwa wananchi na kusimamia mnyororo wa ugavi,

                                        ili kuleta tija kwenye mfumo wa afya wa nchi.

Wajumbe wa Kamati ya Kudumu ya Bunge ya Bajeti, Wakimsikiliza Mkurugenzi Mkuu wa MSD, Wakati Kamati hiyo Ilipotembelea Makao Makuu ya MSD, jijini Dar es Salaam