MSD yaaswa kuboresha upatikanaji wa dawa

MSD waaswa kuboresha upatikanaji dawa Katibu Mkuu wa Wizara ya Afya, Maendeleo ya Jamii, Jinsia, Wazee na Watoto Dkt. Mpoki Ulisubisya amewaasa watumishi wa Bohari ya Dawa (MSD)

kuhakikisha kuwa wanatekeleza majukumu yao ipasavyo ili kupunguza malalamiko ya wananchi juu ya ukosefu wa dawa. Katibu Mkuu huyo ameyasema hayo alipokuwa akizindua Baraza la tatu

la Wafanyakazi la Bohari ya Dawa (MSD) ambapo pia amesisitiza kuwa Baraza hilo libuni mbinu na mikakati mbadala za kuboresha utendaji bila kusahau kutii miiko ya utumishi wa umma.

Kwa upande wake Mwenyekiti wa Baraza la Wafanyakazi MSD, ambaye ni Mkurugenzi Mkuu wa MSD Bwana Laurean Bwanakunu amemweleza Katibu Mkuu wa Wizara ya Afya kuwa tayari MSD

imeanza kununua dawa na vifaa tiba kutoka kwa wazalishaji, ambapo hadi sasa wana wazalishaji 20 ambao wana mikataba, na wazabuni wengine 76 wa dawa na 79 wa vifaa tiba zabuni zao zinaandaliwa.

Mkutano huo umehudhuriwa na wajumbe kutoka Makao Makuu ya MSD na Kanda zote nane za MSD ambao ni pamoja na wenyeviti wa TUGHE wa matawi pamoja wawakilishi wa wafanyakazi.

Baraza la Wafanyakazi la Bohari ya Dawa limefanya uchaguzi

Hii leo tarehe 7/12/2016 Baraza la Wafanyakazi la Bohari ya Dawa limefanya uchaguzi kwa ajili ya kupata Katibu wa Baraza hilo pamoja na Katibu Msaidizi wa Baraza hilo.

Wajumbe hao wamepiga kura na kumchagua Christmas Gowele kuwa Katibu na Dominica Meena kuwa Katibu Msaidizi.

Viongozi hao kwa pamoja wameomba ushirikiano kutoka kwa wajumbe wa baraza, ili Baraza hilo liwe la kasi zaidi katika kushirikisha wafanyakazi katika chombo hicho cha ushauri na majadiliano sehemu za kazi.

Kabla ya uchaguzi huo, wajumbe wa baraza walipata fursa ya kupata mafunzo yenye mada mbili, ambazo ni pamoja na Maadili na uadilifu katika utumishi wa umma na dhana ya Baraza la wafanyakazi na wajibu wa wajumbe

wa Baraza la wafanyakazi. Mafunzo hayo yalikuwa maalumu kabisa kwa wajumbe hao, ambao ni wapya katika Baraza hilo jipya la wafanyakazila MSD. Kwa kawaida wajumbe wa Baraza hilo hudumu kwa miaka mitatu kabla ya wajumbe wengine kuteuliwa.

 

MSD yazindua huduma maalumu kwa wateja wakubwa


Bohari ya dawa (MSD) hii leo tarehe 6/12 /2016 imezindua mpango wa huduma maalumu kwa wateja wake wakubwa, kama moja ya hatua za kuboresha huduma kwa wateja. Mpango huo utawawezesha wateja hao kupata huduma kwa haraka zaidi pindi wanapokuwa wanahitahi mahitaji yao.

Wateja hao ni pamoja na hosipitali ya Taifa ya Muhimbili, Taasisi ya Mifupa (MOI), Taasisi ya Saratani ya Ocean Road, hosipitali ya Sekoutoure Mwanza, hosipitali ya Kibong’oto, Mirembe, hosipitali za Amana, Temeke, Mwananyamala, KCMC, Hospitali ya Benjamin Mkapa na Taasisi ya Moyo ya Jakaya Kikwete.

Akizindua mpango huo, Katibu Mkuu wa Wizara ya Afya, Maendeleo ya Jamii, Jinsia Wazee na Watoto Dkt. Mpoki Ulisubisya amesema mpango huo ni moja ya maboresho yanayofanywa na MSD, ili kuhakikisha huduma zake zinatolewa kama inavyohitajika.

Dkt. Mpoki pia amewasisitiza wateja hao wakubwa wa MSD kuhakikisha wanafanya maoteo sahihi ya mahitaji yao na kuyaleta MSD kwa wakati ili kuepusha ucheleweshwaji wa taratibu za manunuzi ambao pia utasababisha dosari kwenye upatikanaji wa dawa kwa wateja.

Kwa upande wake, Mkurugenzi Mkuu wa MSD Bwana Laurean Bwanakunu amesema, hatua ya kuwahudumia wateja hao kwa kiwango kizuri na cha uhakika itafanikiwa, hivyo watarajie maboresho makubwa ya huduma.

 

 

Waziri afafanua upatikanaji wa dawa

Waziri wa Afya, Maendeleo ya Jamii, Jinsia, Wazee na Watoto Mhe. Ummy Mwalimu amewahakikishia wananchi kuwa dawa muhimu za kutibu magonjwa mbalimbali ya binadamu zinapatikana Bohari ya Dawa MSD na tayari nyingine zimeshasambazwa kwenye vituo vya kutolea huduma za afya.

Amezitaja dawa hizo kuwa ni pamoja vidonge vya maumivu vya Paracetamol na paracetamol za watoto, dawa ya vidonge na sindano ya Diclofenac, Dawa za kutibu maambukizi (antibiotics) ambazo ni pamoja na Amoxicillin, Co- trimoxazole, Ceftriaxone, Erythromycin na Metronidazole.

Hata hivyo Mheshimiwa Ummy Mwalimu amekiri kuwa tatizo la chanjo lilikuwepo lakini amesema kwa sasa chanjo za Surua, Pepopunda, Homa ya manjano, Kupooza na Kifua Kikuu zipo za kutosha miezi mitatu kuanzia sasa na nyingine zimeshaagizwa. 

Hali ya upatikanaji wa dawa nchini

Hivi karibuni kumekuwepo na taarifa iliyotolewa na Taasisi isiyo ya kiserikali inayofuatiiia masuala ya Afya ,Sikika pamoja na baadhi ya vyombo vya habari kuwa MSD inakabiliwa na upungufu wa dawa na kutoa takwimu kuwa kuna makopo 173 tu ya dawa aina ya Paracetamol nchini. Wizara inapenda kutoa ufafanuzi kuhusu taarilla hizi kama ifuatavyo.Kuanzia mwaka wa fedha 2015/2016, MSD ilianza utaratibu wa kununua dawa na vifaa tiba moja kwa moja kutoka kwa wazalishaji kama jitihada za kuhakikisha kuna upatikanaji endelevu wa mahitąji hayo kwa wananchi.

Wizara kupitia MSD tayari imepokea makopo 10,000 ya vidonge vya Paracetamol ambayo yamekwisha sambazwa kwenye vituo vya kutolea huduma za afya nchini. Aidha mkataba kati ya MSD na mtengenezaji wa ndani wenye makopo mengine 138,000 ya vidonge vya Paracetamol yenye ujazo wa vidonge 1,000 umekamilika, ambapo dawa hizo zinategemewa kuanza kupokelewa kuanzia wiki ya kwanza ya mwezi wa Oktoba 2016.

Aidha, dawa nyingine zilizokuwa zinahitajika zaidi ambazo ni antibiotics na dawa za kupunguza maumivu (Ciprofloxacin, Ceftriaxone, Diclofenac, Co-trimoxazole, Amoxycyline, Doxycycline na Metronidazole) ziliwasili makao makuu ya MSD na tayari zimekwisha pelekwa kwenye kanda zote za MSD tayari kwa kusambazwa kwenye vituo vya kutolea huduma za afya nchini.

Kwa sasa hali halisi ya upatikanaji wa Dawa MSD ni sawa na 53% kwani kati ya dawa muhimu 135 zinazohitajika ghalani kuna aina 71 ya dawa hizo na nyinginezo ziko kwenye vituo vya kutole huduma. Hali ya upatikanaji wa dawa itaimarika zaidi mwezi Oktoba mwaka huu hasa kutokana na Bohari ya Dawa kutumia mikataba ya muda mrefu na washitiri (Framework contracts) ili kuimarisha upatikanaji wa dawa wa haraka, pindi zinapohitajika kulingana na fedha zinazopatikana.

Vilevile tunapenda kutoa taarifa kwa umma kuwa dawa za Miradi Msonge, ambazo zinatibu na kuzuia magonjwa ya Malaria, UKIMWI, Kifua Kikuu, Ukoma, kichaa cha mbwa, uzazi wa mpango na chanjo mbalimbali zipo za kutosha kwenye Bohari zetu.

Kadhalika, Wizara inapenda kutoa taarifa kuwa hali ya upatikanaji wa chanjo nchini utaimarika zaidi kuanzia tarehe 2 Oktoba, 2016 baada ya kupokea shehena mpya. Hata hivyo, Wizara inawaomba Waganga Wakuu wa Mikoa na Wilaya kuangalia mwenendo wa shehana zao na kutoa mgawo mpya kwenye maeneo yenye upungufu (stock redistribution) pale kadhia hii inapotokea.

Dkt. Mpoki Ulisubisya

KATIBU MKUU-AFYA

27 Septemba, 2016

Lock full review www.8betting.co.uk 888 Bookmaker