Tanzania Yatoa Msaada wa Dawa, Vifaa Tiba na Chakula

2C960A10-A632-46B2-AC3A-495762E3C5D8.jpeg

 

 

 

Serikali ya Tanzania imetoa msaada wa Dawa na Vifaa Tiba na vyakula kwa nchi tatu za Malawi, Msumbiji na Zimbabwe kufuatia kimbunga cha IDAI kilichotokea hivi karibuni kwenye nchi hizo. Kimbunga hiko kimesababisha maafa ya watu kadhaa huku wengine wakikosa makazi.

 

Wakizungumza mara baada ya kukabidhi msaada huo jijini Dar es Salaam Waziri wa Mambo ya Nje na Ushirikiano wa Afrika Mashariki Prof.  Palamagamba Kabudi na Waziri wa Afya, Maendeleo ya Jamii, Jinsi a, Wazee na Watoto Ummy Mwalimu wamesema msaada huo ni agizo la Mhe. Rais wa Jamhuri ya Muungano wa Tanzania, Dkt. John Pombe Magufuli.

 

Kwa upande wake Mkurugenzi Mkuu wa MSD Bw. Laurean R. Bwanakunu amesema dawa na vifaa tiba vyote vilivyotolewa havitaathiri upatikanaji wa dawa kwenye vituo vyetu vya kutolea huduma za Afya nchini,kwani dawa zipo za kutosheleza mahitaji ya nchi.

 

Naye Mkuu wa Mafunzo na Utendaji wa Kivita Kamandi ya Jeshi la Anga Brigedia Jenerali Francis Shirima ambao ndio wamepewa kazi ya kusafirisha msaada huo na Serikali amesema kazi hiyo itafanyika leo na kuwafikia walengwa kama ilivyooagizwa.

 

Kwa upande wao mabalozi wanaoziwakilisha nchi hizo hapa nchini, Balozi wa Msumbiji, Bi.Monica Mussa, Glad Chembe Munthali- Balozi wa  Malawi na Martine Tavenyika - wa  Zimbabwe wameshukuru kwa msaada huo na kusema Tanzania imeonyesha dira ya ushirikiano mwema.

Wajumbe wa Bodi na Menejimenti ya Bohari ya Dawa ya Taifa ya Uganda Waitembelea MSD

DAF269B6-55E5-4BCC-9C47-667A100E3338.jpeg


 

Wajumbe wa Bodi na Menejimenti ya Bohari ya Dawa ya Taifa, nchini Uganda (NMS) wametembelea Bohari ya Dawa (MSD) kubadilishana uzoefu na kujifunza namna MSD inavyoshirikiana na Mfuko wa Bima ya Afya nchini (NHIF).

Pamoja na mambo mengine Meneja Mkuu wa NMS Bwana Moses Kamabare ameipongeza MSD kwa kuboresha utendaji wake ikiwa ni pamoja na huduma zake kwa wateja na kufanya mabadiliko makubwa katika mnyororo wa ugavi.

Akizungumza na ugeni huo,Mwenyekiti wa Bodi ya Wadhamini ya MSD Dkt. Fatma Mrisho amesema ushirikiano wa taasisi hizi mbili ni muhimu sana,hasa kwenye eneo la kubadilishana uzoefu kiutendaji, kwa nia ya kuboresha huduma.

Kwa upande wake Mkurugenzi Mkuu wa MSD Laurean Bwanakunu amesema MSD imefanya maboresho makubwa kiutendaji,na ni siri kubwa ya mafanikio katika kutekeleza majukumu yake kwa ufanisi.

 

Mkurugenzi Mkuu wa MSD Azunguzia Fursa Zilizopo Katika Soko la Dawa Nchini

95D3F252-9527-491B-96E1-8827461811A4.jpeg

 

Mkurugenzi Mkuu wa MSD Laurean R. Bwanakunu amezungumza na wakufunzi na wanafunzi wa program ya “Industrial Pharmacy” kutoka nchi 8 za Afrika,inayoendeshwa na Chuo Kikuu cha Purdue cha  Marekani kwa kushirikiana na Chuo Kikuu cha Sayansi na Teknolojia cha Nelson Mandela, Arusha na kueleza kuwa maboresho ya kiutendaji yanawezekana pale tu wahusika wote wanapokubali kuwa jukumu hilo linamuhusu kila mmoja.

 

Bwanakunu alizungumza hayo wakati wa kuwasilisha mada juu ya mafanikio ya maboresho ya Kiutendaji ya MSD na Utendaji na uendeshaji wa taasisi za umma.

 

Alizunguzia pia fursa zilizopo katika soko la Dawa nchini,ambapo pamoja na mambo mengine amesema MSD imeboresha maeneo yake mengi ya kiutendaji,kuongeza ufanisi na kumarisha uwezo wa ununuzi ya Dawa.

 

Mkurugenzi Mkuu pia alikuwa mmoja wa wasimamizi washauri wa wanafunzi hao wakati wa uwasilishaji wa mapendekezo yao ya uanzishaji wa viwanda vya kuzalishaji dawa na vifaa tiba nchini Afrika.

 

 

Mkuu wa JKT Atembelea MSD

9140E610-C232-434A-B14E-CC8A7A4EB28E.jpeg

 

Mkuu wa Jeshi la Kujenga Taifa (JKT) Meja Jenerali Martin Busungu ametembelea Bohari ya Dawa (MSD) na kufanya mazungumzo na Mkurugenzi Mkuu wa MSD Bw.Laurean R. Bwanakunu  juu ya ushirikiano uliopo kati ya MSD na JKT na namna ya kuboresha ushirikiano huo.

29E855EB-A41C-4EF4-A943-BC92E080BF3E.jpeg

MSD inatumia huduma mbalimbali zinazotolewa na JKT ikiwemo ulinzi kupitia Shirika lake la SUMA JKT na ujenzi wa majengo mbalimbali ya MSD ikiwamo maduka ya dawa ya MSD.

Kwa upande wa MSD inatoa huduma pia kwa JKT zikiwemo dawa, vifaa tiba na vitendanishi vya maabara kwa ajili ya vituo vya Afya vilivyopo chini ya Jeshi hilo.

Viongozi hao pia wamefanya mazungumzo juu ya ushirikiano wa masuala mengine ya kiutendaji baina ya Taasisi hizi.

Mwenyekiti wa Bodi MSD, Aipongenza Menejimenti ya MSD na Wafanyakazi

BARAZA_3.jpg

 

Mwenyekiti wa Bodi ya Wadhamini ya MSD Dkt. Fatma Mrisho ameipongeza Menejimenti ya Bohari ya Dawa(MSD) kwa kuboresha hali ya upatikanaji wa dawa kwa wateja wake pamoja na kuimarisha uhusiano mzuri na wadau wake mbalimbali.

 

BAZARA_6.jpg

Dkt.Mrisho amesema hayo alipokuwa akifungua  kikao cha 17 cha Baraza la wafanyakazi la MSD,kinachoendelea mjini  Dodoma.

 

Mwenyekiti huyo amewataka watumishi  wa MSD kuhakikisha wanafanya kazi kwa umakini kwa kuzingatia dhamira na nia ya kuundwa kwa MSD inafanikiwa,kwa kuhakikisha dawa,vifaa tiba na vitendanishi vya maabara vyenye ubora vinapatikana  nchi nzima na kwa nchi za Ukanda wa SADC kwa wakati na kwa bei nafuu.

 

BARAZA5.jpg